ستادكم نيوز
تغيير الجهاز الفني؟ حل جزئي صغير في مسلسل طويل من الفشل… والأفضل تروحوا على DARkO.
السيد DARKO مدرب جيد، لكن واضح إنه بحاجة لـ”داركو نفسي” قبل أي شيء!
واضح إنه عايش بحالة “بارانويا كروية” ويعتقد أن الكون يتآمر عليه!
بس مش هاي هي المشكلة…
المشكلة إنكم “أجلتوا” عملية الإصلاح الشامل، وقررتوا تلعبوا “لعبة التخدير الجماهيري”
بدّل المدرب، وخلاص!
السؤال الأهم: من تحمّل المغامرة لما خسرنا من الرمثا؟!
وين الجرأة بالمحاسبة؟
وين المسؤولية؟
التغيير الفني لا يكفي…
النادي بحاجة إلى عمليات جراحية حقيقية لاستئصال الورم اللي ضيّع علينا عشرات البطولات.
كل واحد فيكم مسؤول، في مكانه، في قراره، وفي سكوتُه.
الرجولة مش بالكلام، الرجولة بالاستقالة.
بس شكله ” قريش ما عنده خبر”
التجارب أثبتت إنكم عاجزين،
لا عندكم رؤية رياضية، ولا قدرة إدارية، ولا حتى جهد شخصي تبذلوه.
وأنا على ثقة…
نصف الإدارة لو استقالت، ما رح تلاقي مكان تروحه غير بيتهم،
لأن النادي هو الوحيد اللي احتواهم،
وهو اللي مخلّي لهم وجود، يمكن حتى قدّام أهلهم!
والمصيبة؟
رح تضلّوا تدوروا على شماعة جديدة…
لأن اسم النادي وتاريخه مش مهم،
المهم هو “نفسكم” و”الكرسي” اللي معطيكم قيمة مزيّفة أمام الناس.
علاج الأورام السرطانية قد يعطي نتائج مؤقتة… وهاي بالضبط غايتكم.
مش مهم النادي ينزف…
المهم يظل “العلاج شغّال”، عشان يخلّيكم “تعيشوا” بالإدارة شوي كمان!
بس الحقيقة واضحة:
من دون استئصال الورم من جذوره، رح تدمّروا النادي وتاريخه، بس عشان تظلّوا إنتوا على قيد “الوجود الإداري”.